Boeing 757-200
Boeing 757 er meðalstór, tveggja hreyfla flugvél með einum gangi á milli sætaraða sem hentar vel á stuttum og meðallöngum flugleiðum. Langflestar vélar í flota Icelandair eru af gerðinni 757-200.
Almennar upplýsingar
Boeing 757-200 er langvinsælasta gerðin af 757 flugvélunum. Nú hafa verið smíðaðar 913 Boeing 757-200 flugvélar síðan byrjað var að framleiða þessar vélar. Afkastamiklir hreyflar með hjárásarhverflum gera 757-200 kleift að taka á loft af flugvöllum í tiltölulega mikilli hæð frá sjó og þar sem flugdrægni vélarinnar er allt að 6.300 km (3.900 mílur) hentar hún vel bæð í innan-lands- og millilandaflugi. Vængirnir eru sérstaklega hannaðir til að draga úr viðnámi og minnka þannig eldsneytisnotkun.
Vélarnar okkar
Í 757-200 vélum Icelandair eru sæti fyrir 184 farþega og hver sætaröð skipuð 3-3 sætum á Economy og 2-2 sætum á Saga Premium.
Þægindin eru í fyrirrúmi og farþegum býðst afþreyingarkerfi fyrir hvern og einn og þráðlaust Wi-Fi um borð.
Tæknilegar upplýsingar
Boeing 757-200 - Sætakort og upplýsingar um sæti
Saga PremiumSætabil: Sætabil: Minnst 40" Mest 42" Sætabreidd: Sætisbreidd: Almenn sæti: 20,5" Breidd sætisbaks: 25.9
EconomySætabil: 31"- 32" Sætabreidd: Sætisbreidd: 17" Breidd sætisbaks: 17.4"
Flugflotinn okkar - Boeing 757-200 flugvélar
Bláfjall
TF-FIKÞráðlaust net um borðAfþreying um borðUSB um borðRafmagnsinnstungur um borð
Bláfjall er stapafjall á norðanverðu landinu. Fyrir þá sem komast alla leið upp á flatan toppinn er stórkostlegt útsýni yfir eina helstu náttúruperlu Íslands, Mývatn.
Eldborg
TF-FINÞráðlaust net um borðAfþreying um borðLED-lýsing um borðUSB um borðRafmagnsinnstungur um borð
Eldborg á Mýrum er formfagur, kulnaður gjallgígur í Hnappadal, 100 m hár, 200 m að lengd og 50 m djúpur. Þar hefur gosið tvisvar, í síðara skiptið á landnámsöld.
Grábrók
TF-ISVÞráðlaust net um borðAfþreying um borðLED-lýsing um borðUSB um borðRafmagnsinnstungur um borð
Grábrók er gígur í Norðurárdal í Borgarfirði sem myndaðist á stuttri gossprungu fyrir 2.000-3.000 árum. Grábrók stendur rétt við þjóðveginn og er vinsælt að ganga þar upp og á færi fólks á öllum aldri.
Hekla Aurora
TF-FIUÞráðlaust net um borðAfþreying um borðLED-lýsing um borðUSB um borðRafmagnsinnstungur um borð
Hekla er kunnasta eldfjall á Íslandi. Hún er hrygglaga eldkeila. Mesta gos í Heklu á sögulegum tíma varð árið 1104. Síðast gaus í Heklu árið 2000.
Herðubreið
TF-FIAÞráðlaust net um borðAfþreying um borðLED-lýsing um borðUSB um borðRafmagnsinnstungur um borð
Herðubreið (1.682 m) er kulnað eldfjall á Mývatnsöræfum, í miðju Ódáðahrauni. Herðubreið er móbergsstapi, þ.e. eldfjall sem náði að brjótast upp úr ísaldarjöklinum. Herðubreið hefur verið nefnd „drottning íslenskra fjalla“. Hún var valin „þjóðarfjall Íslendinga“ árið 2002.
Katla
TF-FIVÞráðlaust net um borðAfþreying um borðLED-lýsing um borðUSB um borðRafmagnsinnstungur um borð
Katla er stór megineldstöð undir Mýrdalsjökli. Þar hafa orðið gos að meðaltali á 60-80 ára fresti. Gosum úr Kötlu fylgja mikil jökulhlaup. Síðast gaus í Kötlu haustið 1918.
Keilir
TF-FIZÞráðlaust net um borðAfþreying um borðUSB um borðRafmagnsinnstungur um borð
Keilir á Reykjanesi er keilulaga eldfjall sem varð til undir ísaldarjökli. Keilir blasir við frá höfuðborgarsvæðinu og er alþekkt kennileiti. Keilir er 379 m hár og að mestu úr móbergi. Á tindinum eru dólerít-klappir.
Ketildyngja
TF-ISRÞráðlaust net um borðAfþreying um borðUSB um borðRafmagnsinnstungur um borð
Ketildyngja, sem liggur suðaustan af Mývatni, er hraundyngja sem varð til í gosi fyrir 3800 árum.
Krafla
TF-FIOÞráðlaust net um borðAfþreying um borðLED-lýsing um borðUSB um borðRafmagnsinnstungur um borð
Krafla er megineldstöð með öskju skammt norðaustur af Mývatni. Askjan er um 10 km breið og norður af henni er Gjástykki. Hæsti tindur er 818 m. Vitað er um 20 eldgos í Kröflu á sögulegum tíma en síðasta elds-umbrotahrina í Kröflu stóð yfir 1975-1984.
Snæfell
TF-FIPÞráðlaust net um borðAfþreying um borðLED-lýsing um borðUSB um borðRafmagnsinnstungur um borð
Snæfell er kulnað eldfjall norðaustur af Vatnajökli. Það hefur verið óvirkt í 10.000 ár.
Vatnajökull
TF-FIRÞráðlaust net um borðAfþreying um borðLED-lýsing um borðUSB um borðRafmagnsinnstungur um borð
Vatnajökull og umhverfi hans mynda Vatnajökulsþjóðgarð, stærsta þjóðgarð í Evrópu, en þar einkennist landslagið af því að hafa verið mótað af stórkostlegum náttúruöflum: ís, jarðskorpuhreyfingum og rofi vatns og vinda.