Ferðaskilríki

Ekki viljum við að þú eyðir fríinu þínu á flugvelli við að reyna að skrá upplýsingar og leysa úr mistökum við skráningu ferðapappíra. Hér að neðan er að finna mikilvægar upplýsingar varðandi tollgæslu og innflytjendaeftirlit.

Allur er varinn góður! Svo við mælum með því að athuga hvaða ferðaskilríki þarf fyrir þinn áfangastað áður en þú heldur af stað á flugvöllinn. Ef allar skammstafanirnar og flugorðin reynast ruglandi mælum við með að þú skoðir listann okkar yfir orð sem fljúga!

Allir farþegar á leið til Bandaríkjanna þurfa að skrá APIS upplýsingar fyrir brottför. Þú getur fyllt þær út í Bókunin mín á vefnum okkar.

Bókunin mín

Íslenskir ríkisborgarar þurfa að hafa gilt ESTA til að ferðast til Bandaríkjanna. Það þarf að sækja um ESTA a.m.k. 72 tímum fyrir brottför. Þau sem hafa ekki gilda ferðaheimild geta ekki innritað sig í flug til Bandaríkjanna.

Sækja um ESTA

Ríkisborgarar landa sem hafa ekki gert undanþágusamning þurfa almennt vegabréfsáritun til að ferðast til Bandaríkjanna.
Þau sem hafa verið samþykkt í TSA PreCheck geta haft samband við þjónustuverið okkar til að skrá KTN númerið sitt. Icelandair tekur ekki saman upplýsingar fyrir Global Entry.

Við innritun þurfa allir farþegar á leið til Kanada að deila API upplýsingum.
Íslenskir ríkisborgarar þurfa að hafa gilt eTA til þess að ferðast til Kanada. Farþegar þurfa að sækja um og fá samþykkta eTA umsókn áður en þeir ganga um borð.

Sækja um eTA

Þau sem eru með erlent vegabréf, ríkisfangslausir einstaklingar og ríkisborgarar landa sem hafa ekki gert undanþágusamning þurfa almennt vegabréfsáritun til að ferðast til Kanada.

Farþegar á leið til Bretlands þurfa að deila API upplýsingum fyrir brottför. Engar áhyggjur, við söfnum þeim við innritun.
Ríkisborgarar Schengen svæðisins þurfa að hafa vegabréf eða önnur viðurkennd skilríki með í för. Skilríkin þurfa að vera í gildi allan dvalartímann í landinu. Vegabréfsáritun er óþörf.
Breskir ríkisborgarar þurfa bara vegabréf til að snúa aftur heim
Ef þú ert með reikning hjá breska vegabréfsáritana- og innflytjendaeftirlitinu þarftu að ganga úr skugga um að upplýsingarnar þar séu réttar áður en þú heldur til landsins.
Ríkisborgarar landa utan Bretlands og Schengen svæðisins geta kynnt sér skilyrði vegabréfsáritana á vef bresku ríkisstjórnarinnar.

Ísland er hluti af Schengen samstarfinu. Ríkisborgarar svæðisins þurfa ekki að fara í gegnum landamæraeftirlit til að ferðast milli Schengen ríkja en þurfa að geta framvísað viðurkenndum skilríkjum.

Ríkisborgarar landa utan Schengen samstarfsins gætu þurft vegabréfsáritun. Vegabréfsáritun fyrir skammtímadvöl gerir ferðalöngum kleift að dvelja innan Schengen svæðisins í allt að þrjá mánuði á hálfs árs tímabili. Hvert ríki hefur svo sínar eigin reglur varðandi lengri dvalir.
Norðurlandabúar geta ferðast milli Norðurlandanna án þess að sýna vegabréf fyrir flug með Icelandair. Þau gætu þó þurft að sýna fram á þjóðerni sitt með viðurkenndum skilríkjum.
Hvert ríki utan Schengen hefur sínar eigin kröfur um ferðaskilríki en fylgja þó sömu grundvallar reglunum á borð við að krefja ferðalanga um: gilt vegabréf, lífkenniupplýsingar, lögmæta ástæðu heimsóknar, sönnun um fjármögnun dvalar, ferðaáætlun og gilda ferða- og sjúkratryggingu.

Hafðu í huga að farþegar bera sjálfir ábyrgð á því að tryggja að þau hafi rétt og gild ferðaskilríki, þar með talin vegabréf, vegabréfsáritanir og ferðaheimildir, fyrir ferðina sína. Því er mikilvægt að kanna kröfurnar fyrir áfangastað og alla viðkomustaði með góðum fyrirvara.

Aðstoð\\Fyrir flug\\Ferðaskilríki