Aðstoð fyrir farþega í hjólastól eða með hreyfihömlun

Þjónustan sem við veitum er í samræmi við flokkunarkerfi IATA. Þegar þú bókar flugið þitt, getur verið gagnlegt að hafa kynnt sér þjónustustigin okkar og vita hverju þeirra er óskað eftir:

• WCHR (hjólastóll að landgangi): Ég get farið upp og niður tröppur og komið mér um farþegarými og í sæti. Ég þarf hjólastól til að komast um á flugstöðvarsvæði og að flugvél.
• WCHS (hjólastóll að landgangi og aðstoð við þrep):  Ég kemst að sjálfsdáðum um farþegarými og að sæti. Ég þarf hjólastól til að komast um á flugstöðvarsvæði og að flugvél, og þarf aðstoð við að fara upp og/eða niður tröppur.
• WCHC (hjólastóll að sæti): Ég þarf hjólastól til að komast um flugstöðvarsvæði og að flugvél, og aðstoð við að fara upp og/eða niður tröppur. Ég þarf einnig aðstoð við að komast um farþegarými og að sæti.

Athugaðu að ef þú þarft aðstoð við að borða og drekka, við samskipti, lyfjatöku, notkun á salerni eða við að standa upp úr sætinu þínu þarf aðstoðarmaður að vera þér innan handar.

Að biðja um aðstoð

Aðstoðin sem við bjóðum farþegum með hreyfihömlun er ókeypis. Það er í forgangi hjá okkur að flugið þitt verði eins þægilegt og mögulegt er.

Hægt er að óska eftir aðstoð á nokkra vegu:

• Veldu þá aðstoð sem þú þarft í bókunarferlinu.
• Fylltu út formið á vefnum okkar um leið og þú hefur bókað flugið þitt. Ef þú ferðast með hjálpartæki þarftu að veita okkur upplýsingar um gerð (hand- eða rafknúinn) þyngd, stærð, gerð rafhlöðu og afl í vöttum.
• Hafðu samband við þjónustuverið okkar eða skráðu þig inn á síðuna Bókunin mín.

Við mælum með að farþegar bóki aðstoð að minnsta kosti 48 klukkutímum fyrir áætlaða brottför.

Stærð hjálpartækis og reglur um rafhlöður

Stærð hjálpartækis

Mál og uppsetning flugvéla takmarkar stærð þeirra hjálpartækja (t.d. hjólastóla, rafskutlur o.þ.h.) sem hægt er að taka með um borð. Þessar stærðir eru útlistaðar hér að neðan, eftir gerð flugvélarinnar sem þú flýgur með.

Hjálpartæki sem ganga fyrir þurrrafhlöðum og litíumrafhlöðum eru samþykkt um borð í vélinni. Þó eru vissar takmarkanir í gildi:

• Litíum rafhlöður mega ekki fara yfir 300 vattstundir (Wst).
• Í tækjum sem þurfa tvær rafhlöður, má hvor rafhlaða um sig ekki fara yfir 160 vattstundir (Wst).

Hjálpartæki sem ganga fyrir vökvarafhlöðum má aðeins flytja með Icelandair Cargo. Vinsamlega hafðu samband við Icelandair Cargo til að panta flutning.

Athugaðu að slökkva þarf á aðalrofa á öllum hjálpartækjum sem ganga fyrir rafmagni og fjarlægja þarf rafhlöðuna ef mögulegt er.

Göngugrindur, stafir, hækjur og gifsumbúðir

Stafi og hækjur má hafa með um borð í vélina og hægt er að innrita göngugrindur við innritunarborð eða við brottfararhlið. Farþegar í gifsi þurfa að hafa læknisvottorð með sér, því þeir gætu þurft að framvísa því við öryggisskoðun.

Vinsamlega mættu á flugvöllinn í það minnsta tveimur klukkustundum fyrir áætlaða brottför í millilandaflugi og 45 mínútum fyrir áætlaða brottför í innanlandsflugi. Þannig tryggirðu að þú fáir bestu þjónustu sem völ er á.

Athugaðu að við bjóðum öllum farþegum með hreyfihömlun forgangsinnritun og forgang um borð í vél.

Innritun

Ferðast með eigin hjólastól eða rafskutlu

• Við mælum með að þú notir hjólastólana sem standa til boða á flugvellinum, ef þú getur. 
• Ef þú þarft að nota eigin hjólastól eða rafskutlu, mælum við með því að þú innritir þig á flugvellinum frekar en á netinu, svo að hjólastóllinn sé rétt merktur. 
• Þér stendur líka til boða að fara að hliðinu í eigin hjólastól og innrita hann þar.

Að ferðast með hjólastól í eigu flugvallarins

• Ef þú ætlar ekki að taka eigin hjólastól með í ferðalagið en vilt aðstoð vegna hreyfihömlunar, þarftu að láta starfsfólk Icelandair vita við innritun, eða fara á svæðið sem er auðkennt með sérþjónustu-tákni.  Nauðsynlegt er að óska eftir aðstoð að minnsta kosti tveimur klukkustundum fyrir áætlaða brottför. 
• Í Keflavík er þetta svæði í brottfararsal, við hliðina á svæðinu þar sem þú innritar farangurinn.

Athugið að innan Evrópusambandsins er það á ábyrgð flugvallarins að bjóða aðstoð á vellinum. Ef þú þarft frekari aðstoð skaltu kíkja á heimasíðu flugvallarins fyrir nánari upplýsingar um sérstaka aðstoð (t.d. á vef Keflavíkurflugvallar).

Vinsamlega gættu þess að vera komin/n að brottfararhliðinu í síðasta lagi 45 mínútum fyrir flugtak, til þess að fá forgang um borð í vélina. Þegar í vélina er komið, gerir meðlimur áhafnar grein fyrir fyrirkomulaginu á fluginu.

Stundum er vélinni lagt í verulegri fjarlægð frá flugstöðinni. Í þessum tilfellum sjáum við fyrir þrepalausum inngangi í vélina fyrir þá sem ekki geta gengið upp tröppur, í samvinnu við umsjónaraðila flugvallar.

Sæti um borð

• Allir farþegar þurfa að geta setið í þeim flugsætum sem eru í vélinni.
• Farþegar sem þurfa aðstoð geta ekki setið við neyðarútgang af öryggisástæðum. Yfirleitt er þeim úthlutað gluggasæti.
• Farþegum sem þurfa WCHC-þjónustu (hjólastól að sæti), verður úthlutað sæti með færanlegum sætisörmum.

Meðan á fluginu stendur getur áhöfnin okkar aðstoðað þig með:

• að opna matarumbúðir
• að ferðast um flugvélina
• að ganga um borð og/eða fara frá borði
• að setja saman og nota hjólastólinn um borð
• að komast til og frá salernisaðstöðu
• að ganga frá og sækja handfarangur

• að lyfta farþegum eða bera þá
• að borða og/eða drekka
• við lyfjatöku
• við notkun á salerni
• við að standa upp og með samskipti við aðra

Ef þú þarft aðstoð við eitthvað af því sem er talið upp hér að ofan, þarf sérstakur aðstoðarmaður að vera með í för.

Frekari upplýsingar

Salerni: það er að minnsta kosti eitt salerni um borð í hverri vél með slám fyrir betra aðgengi. Þú getur beðið flugliðana okkar um borð að vísa þér í rétta átt.

Hjólastóll um borð: Lítill hjólastóll er í öllum vélum Icelandair fyrir millilandaflug. Starfsfólk okkar um borð setur stólinn saman og aðstoðar farþega við að komast um vélina. Farþegar verða þó sjálfir að koma sér í og úr sæti, eða hafa sérstakan aðstoðarmann sér innan handar til þess. Vegna stærðar flugvélanna í flugi innanlands og til/frá Grænlandi, standa hjólastólar því miður ekki til boða um borð í þeim vélum.

• Áður en flugvélin lendir mun áhöfnin okkar staðfesta hvaða þjónustu þú þarft og láta þig vita hvaða leið þú getur farið út úr vélinni.
• Ef þú þarft aðstoð við að fara úr vélinni, verður sú aðstoð veitt eftir að aðrir farþegar eru farnir úr farþegarýminu. Þessari þjónustu gæti seinkað um 10-15 mínútur en það tryggir meira pláss og tíma til að aðstoða þig.
• Hjólastóllinn þinn eða rafskutlan verður þér innan handar við komuhlið eða í komusal.  
• Allir farþegar sem notast við hjólastól fá aðstoð ef þeir þurfa á henni að halda. Ef við á, verður þér fylgt í komusalinn til að sækja hjálpartækið þitt.