APIS, ESTA og eTA
Á þessari síðu má fræðast nánar um API/APIS, ESTA og eTA, hvar er hægt að fylla út APIS-upplýsingar og sækja um ESTA eða eTA ferðaheimild á opinberum umsóknarsíðum stjórnvalda í þessum löndum.
Ferðalangar verða að sækja um ESTA að minnsta kosti 72 klukkustundum fyrir brottför. Það er líka æskilegt að sækja um eTA að minnsta kosti 72 klukkustundum fyrir brottför. Yfirleitt er umsóknin tekin strax fyrir og svar berst fljótlega á netinu.
Allir umsækjendur þurfa að greiða gjald þegar sótt er um á vefsíðu ESTA. Greitt er með kredit- eða debitkorti.
Athugið að einstaklingar sem hafa fengið úthlutað Redress-númeri þurfa nú að framvísa því á síðunni Ferðin mín, að minnsta kosti 72 klukkustundum fyrir flug. Nánari upplýsingar á ensku er að finna á vefsíðu Homeland Security.
Athugið
Við erum að biðja farþega, sem ferðast til eða frá Finnlandi, tímabundið að veita APIS-upplýsingar. Þú getur uppfært APIS-upplýsingarnar með því að fara í Umsjón með bókun.
Í fjórum löndum, sem tilheyra leiðakerfi Icelandair, er krafist ákveðinna upplýsinga um farþega áður en lagt er af stað í flug þangað. Þau eru Bandaríkin, Kanada, Bretland og Finnland.
Þessar upplýsingar eru yfirleitt kallaðar API (Advance Passenger Information) eða TDI (Travel Document Information) og eru þær sömu og koma fram á persónuupplýsingasíðunni í vegabréfinu. API er fyllt út við innritun á leið í flug til Kanada og Bretlands.
Bandaríkin krefjast meiri fyrirvara á þessum upplýsingum og kallast þær APIS (Advance Passenger Information System) þar í landi. Öllum flugfélögum, að Icelandair meðtöldu, ber skylda samkvæmt lögum til að senda API/APIS-upplýsingar fyrir brottför. Farþegar verða því að veita þessar upplýsingar, ella eiga á hættu að vera neitað um far.
Athugið
Icelandair biður farþega til og frá Bandaríkjunum og Finnlandi vinsamlegast um að fylla út rafræna APIS-eyðublaðið til að uppfæra upplýsingar sínar, hafi það ekki þegar verið gert við bókun. Þú getur breytt APIS-upplýsingunum með því að fara í Ferðin mín.
Ferðalangar til og frá Kanada og Bretlandi fylla sitt API-eyðublað út við innritun.
- Smellið hér til að fá nánari upplýsingar um API fyrir Bretland.
- Smellið hér til að fá nánari upplýsingar um API fyrir Kanada.
Electronic System Travel Authorization (ESTA)
Ríkisborgarar sumra landa, þar á meðal Íslands, fá undanþágu frá vegabréfsáritun til Bandaríkjanna. Allir farþegar sem ferðast til Bandaríkjanna á undanþágu frá vegabréfsáritun (Visa Waiver Program) þurfa að verða sér út um rafræna ferðaheimild (Electronic System Travel Authorization – ESTA) með góðum fyrirvara. Farþegar verða að sækja um ESTA að minnsta kosti 72 klukkustundum fyrir brottför.
Vegna þeirrar reglugerðar sem gildir í Bandaríkjunum mega farþegar frá þeim löndum sem heyra undir undanþágu frá vegabréfsáritun búast við því að verða neitað um far hafi þeir hvorki gilda ESTA-heimild né vegabréfsáritun fyrir brottför. Brot á reglugerðinni varða sektum.
Samþykkt umsókn gildir yfirleitt í tvö ár.
Vinsamlega athugið: Ekki er hægt að nota séríslenska stafi þegar Esta formið er fyllt út.
Nánari upplýsingar má finna á síðu Bandaríska sendiráðsins eða á síðu Bandaríska heimavarnarráðsins. Einnig eru upplýsingar á Welcome to ESTA.
Electronic Travel Authorization (eTA)
Ríkisborgarar sumra landa og landsvæða þurfa vegabréfsáritun til að heimsækja eða ferðast gegnum Kanada. Nánari upplýsingar um skilyrði og undartekningar frá vegabréfsáritun má finna á http://www.cic.gc.ca/english/visit/visas-all.asp.
Aðrir farþegar þurfa rafræna ferðaheimild, eTA (Electronic Travel Authorization), til þess að heimsækja eða ferðst gegnum Kanada með flugi. Undanþegnir eTA eru meðal annarra ríkisborgarar Bandaríkjanna og þeir sem hafa gilda vegabréfsáritun.
Ferðalangar verða að hafa eTA til þess að mega fara um borð í Kanadaflug. Sótt er um eTA á netinu. Frekari upplýsingar eru á Canada.ca/eTA.