Ráðstafanir vegna COVID-19Ferðatakmarkanir - allir áfangastaðir

Farangur

Hér færðu svörin við öllum helstu spurningum um innritaðan farangur og handfarangur.

Farangursheimild Aukafarangur Takmarkanir á farangri Týndur, seinn eða skemmdur farangur

Aukafarangur

Taflan hér að neðan sýnir verð á aukafarangri þegar ferðast er með Icelandair og greitt á flugvellinum.

Bæta við farangri

Eftirfarandi verð gildir fyrir flug milli Keflavíkurflugvallar (KEF) og Evrópu/Norður-Ameríku.

Ef þú flýgur hluta ferðarinnar með innanlandsflugi, vinsamlegast smelltu á flipann Innanlandsflug hér fyrir ofan.

Tegund farangurs	KEF - Evrópa	KEF - N. Ameríka	Evrópa - N. Ameríka
Auka taska 1-23 kg	6.600 kr.	7.700 kr.	10.700 kr.
Taska í yfirþyngd 23-32kg	5.600 kr.	6.500 kr.	8.900 kr.
Lítil og meðalstór hljóðfæri Lítill íþróttabúnaður Golfbúnaður \| Hjólabretti \| Köfunarbúnaður Íshokkíbúnaður \| Keilubúnaður \| Skíði	4.700 kr.	5.500 kr.	6.500 kr.
Meðalstór íþróttabúnaður Hjól \| Svifdrekar \| Brimbretti	9.200 kr.	11.000 kr.	12.900 kr.
Stór hljóðfæri Stór íþróttabúnaður Kajak \| Stangarstökksstöng Seglbretti \| Bretti Stór hljóðfæri	14.000 kr.	16.400 kr.	19.300 kr.
Skotveiðivörur	4.700 kr.	5.000 kr.	6.500 kr.

Verð miðast við aðra leið.

Ef þú bókar aukafarangur áður en þú innritar þig í flugið, gegnum síðuna Ferðin mín eða þjónustuverið okkar, færðu 20% afslátt af verðinu í töflunni hér að ofan.

Afsláttarverðið gildir þar til fjórum tímum fyrir brottför.
Gjöld greidd fyrir bókun á aukafarangri fást ekki endurgreidd.
Það er eingöngu hægt að greiða fyrir yfirþyngd við innritun á flugvellinum.
Auka farangursheimild fyrir tengiflug með öðru flugfélagi er einungis hægt að kaupa við innritun á flugvelli.
Þeir sem ferðast með auka töskur eða töskur í yfirþyngd á Stopover in Iceland-miða, greiða sérstaklega fyrir hvern lið ferðarinnar.
Að hámarki er hægt að fá afslátt af þremur auka innrituðum töskum sem keyptar eru fyrirfram. Ef þú vilt ferðast með fleiri innritaðar töskur (hámarks farangursheimild hvers farþega er 10 innritaðar töskur) greiðirðu það gjald sem gildir á flugvellinum fyrir aukafarangur. Fyrir þessar auka töskur þarf að greiða við innritun á flugvellinum. Farþegar sem hyggjast ferðast með fleiri en 10 innritaðar töskur þurfa að hafa samband við Icelandair Cargo.
Fyrirframgreiddur aukafarangur - skilmálar

Íþróttabúnaður

Athugaðu að ef þú bókar farangursheimild fyrir íþróttabúnað áður en þú innritar þig í flugið, í gegnum þjónustuverið okkar eða á Ferðin mín, færðu 20% afslátt af því verði sem gildir á flugvellinum. Eina undantekningin er skotveiðivörur en þær er aðeins hægt að greiða fyrir við innritun á flugvelli.

Það er ekki hægt að innrita hjól sem hluta af innifalinni farangursheimild.
Hjólið verður að vera í tösku eða kassa:
- Stýrinu snúið svo það liggi samsíða stellinu.
- Búið að fjarlægja pedala.
- Búið að fjarlægja loft úr dekkjum.
- Hámarksstærð í cm: lengd 221 x breidd 56 x hæð 102.
Ef hjólið er þyngra en 32 kg, þarf að hafa samband við Icelandair Cargo.
Ef umfang töskunnar eða kassans er meira en hámarksstærðin hér að ofan segir til um, verður hjólið flokkað sem stór íþróttabúnaður; sjá verð hér fyrir neðan.
Að hámarki er hægt að flytja 25 hjól með hverju flugi. Við mælum með því að haft sé samband við okkur og bókað fyrir brottför til að tryggja að hjólið komist með.
Hægt er að bóka flutning á hjóli í bókunarferlinu fyrir brottför, með því að skrá sig inn á Ferðin mín eða með því að hafa samband við þjónustuverið.
Ekki er leyfilegt að innrita rafhlöðu fyrir rafmagnshjól. Vinsamlegast hafið samband við Icelandair Cargo til að flytja rafhlöðu úr hjóli.

Icelandair leyfir hjólabretti sem handfarangur, en sumir flugvellir hleypa þeim ekki í gegnum öryggisleit. Hafið samband við þann flugvöll sem flogið er frá, til að grennslast fyrir um hvaða reglur gilda.
Farþegar geta sett hjólabretti í innritaðan farangur sem þá miðast við lítinn íþróttabúnað.
Um longboard-bretti er hægt að lesa í flokknum Annað hér fyrir neðan.

Tösku með íshokkíbúnaði má telja sem hluta af innifalinni farangursheimild.
Íshokkíbúnaður má innihalda eina tösku með útbúnaði og auk þess að hámarki tvær kylfur sem eru festar saman með teipi.
Auka kylfur verða að vera festar saman með teipi. Kylfurnar teljast þá sem innritaður farangur og um þær gilda sömu skilmálar og gjöld og eiga við um aukafarangur (ekki um lítinn íþróttabúnað).

Kajak má ekki telja sem hluta af innifalinni farangursheimild.
Kajakinn má að hámarki vera 2,5 metrar að lengd.
Hægt er að panta flutning á kajak við innritun í flugið (sjá verð). Kajaknum verður að skila í innritun fyrir farangur í yfirstærð, að minnsta kosti 2 klukkustundum fyrir brottför. Það er ekki nauðsynlegt að bóka fyrirfram, en við mælum með því að haft sé samband fyrir brottför til að tryggja pláss fyrir kajakinn, þar sem aðeins er hægt að taka eina pakkningu sem inniheldur stóran íþróttabúnað í hvert flug.

Keilubúnað má telja sem hluta af innifalinni farangursheimild.
Keilubúnaður má innihalda eina tösku með að hámarki þremur keilukúlum.
Ekki er heimilt að hafa fatnað eða annan búnað með í töskunni.
Hægt er að bæta við keilubúnaði í bókunarferlinu fyrir brottför, með því að skrá sig inn á Ferðin mín á vefsíðunni eða með því að hafa samband við þjónustuverið.
Keilubúnaðurinn má ekki vera þyngri en 23 kg.

Köfunarbúnað má telja sem hluta af innifalinni farangursheimild.
Súrefnistankur verður að vera alveg tómur.
Köfunarlampa má taka með um borð í handfarangri en það þarf að fjarlægja rafhlöður úr þeim. Um varúðarráðstafanir varðandi rafhlöður má lesa í flokknum Annað hér fyrir neðan.
Til þess að köfunarbúnaður teljist vera lítill íþróttabúnaður má hann ekki vera þyngri en 20 kg.
Köfunarbúnaður sem er 21-32 kg að þyngd telst vera meðalstór íþróttabúnaður. Gjöldin má finna hér fyrir neðan.

Seglbretti má ekki telja sem hluta af innifalinni farangursheimild.
Hægt er að panta flutning á seglbretti við innritun í flugið (sjá verð). Brettinu verður að skila í innritun fyrir farangur í yfirstærð, að minnsta kosti 2 klukkustundum fyrir brottför. Það er ekki nauðsynlegt að bóka fyrirfram, en við mælum með því að haft sé samband fyrir brottför til að tryggja pláss fyrir seglbrettið, þar sem aðeins er hægt að taka eina pakkningu sem inniheldur stóran íþróttabúnað í hvert flug.

Það má telja skíða-/snjóbrettabúnað sem hluta af innifalinni farangursheimild.
Skíðabúnaður má samanstanda af einu skíðapari, einu pari af skíðastöfum, einu pari af skíðaskóm og einum hjálmi.
Snjóbrettabúnaður má samanstanda af einu snjóbretti, einu pari af snjóbrettaskóm og einum hjálmi.
Búnaðinum má pakka í tvær töskur: eina fyrir skíði og skíðastafi, aðra fyrir skó og hjálm.
Ekki er heimilt að hafa fatnað með í töskunni.
Hægt er að bæta við skíða-/snjóbrettabúnaði í bókunarferlinu fyrir brottför, með því að skrá sig inn á Ferðin mín á vefsíðunni eða með því hafa samband við þjónustuverið.

Farþegar í millilandaflugi þurfa að hafa samband við Icelandair að minnsta kosti 48 klukkustundum fyrir brottför og gera grein fyrir hvers konar skotveiðivörur er ætlunin að ferðast með, af hvaða gerð þau eru og tiltaka magn skotfæra sem á að innrita. Farþegar í innanlandsflugi geta bætt skotveiðivörum við farangur á netinu, í gegnum söluaðila eða á flugvellinum fyrir innritun í flugið.
Skotvopn mega ekki vera hlaðin og þau verður að geyma í hörðum töskum. Sá/sú sem ferðast með vopnin skal ein/n hafa lykla eða kunna þá talnaröð sem þarf til að opna töskuna.
Skotveiðivörur má telja sem hluta af innifalinni farangursheimild. Ef þau eru innrituð sem auka farangur, þarf að greiða gjald fyrir flutning á vopnunum á flugvellinum.
Hver farþegi má ekki hafa með sér meira en 5 kg af skotfærum (kúlum, höglum eða öðru sem notað er til að hlaða skotvopn).
Það má ekki taka vopn með um borð.
Aðeins er leyfilegt að flytja skotvopn eða aðrar skotveiðivörur sem falla í eftirtalda flokka:
- Vopn sem notuð eru til veiða á dýrum.
- Vopn sem notuð eru við skotfimiæfingar, svo sem leirdúfuskotæfingar, svo framarlega sem vopnin eru ekki sömu gerðar og vopn sem notuð eru til stríðsreksturs.
- Önnur vopn notuð til afþreyingar eða við ástundun íþrótta: t.d. loftbyssur, örvabyssur eða byssur notaðar við rásmark í íþróttum.
- Vopn sem teljast til forngripa geta verið flutningshæf jafnvel þó þau falli ekki undir ofangreinda flokka.
Það er á ábyrgð farþega að verða sér úti um innflutnings-/útflutningsleyfi sem stjórnvöld landanna sem farið er frá eða komið er til krefjast.
Byssu þarf að taka í sundur, svo allir þeir hlutar sem hún samanstendur af hafi verið losaðir hver frá öðrum.
Meðfylgjandi kúlur, högl, örvar o.s.frv. verða að vera í annarri pakkningu (úr viði/málmi/MDF (e. fiberboard)) en skotvopnin og pakkningin verður að þola hreyfingu og hnjask.
Skotveiðivörum má ekki pakka niður með öðrum innrituðum farangri, heldur þarf að pakka þeim niður í sér pakkningu.

Stangarstökksstöng má ekki telja sem hluta af innifalinni farangursheimild.
Hámarkslengd er 5,25 metrar.
Hámarksstærð er 525 x 12 x 12 cm.
Hægt er að panta flutning á stangarstökksstöng við innritun í flugið (sjá verð). Stönginni verður að skila í innritun fyrir farangur í yfirstærð, að minnsta kosti 2 klukkustundum fyrir brottför. Það er ekki nauðsynlegt að bóka fyrirfram, en við mælum með því að haft sé samband fyrir brottför til að tryggja pláss fyrir stöngina, þar sem aðeins er hægt að taka eina pakkningu sem inniheldur stóran íþróttabúnað í hvert flug.

Það má telja veiðibúnað sem hluta af innifalinni farangursheimild.
Veiðibúnað má ekki taka með um borð.
Veiðibúnaðurinn má innihalda eftirfarandi: einn veiðikassa eða veiðitösku eða fiskikörfu (e. angler's basket), auk einnar veiðistangar. Allur búnaðurinn þarf að vera í einum poka eða boxi.
Vegna hættu á útbreiðslu smitsjúkdóma sem fyrirfinnast meðal ferskvatnsfiska í öðrum löndum er ólöglegt að nota veiðibúnað hér á landi, þar með talið vöðlur og gúmmístígvél, sem hefur verið notaður til veiða erlendis, nema að búnaðurinn hafi verið sótthreinsaður samkvæmt viðurkenndum reglum (dýpt í 2% formaldehýð lausn í 10 mínútur). Veiðibúnaðurinn skal vera sótthreinsaður af dýralækni í því landi sem flogið er frá og hafa þarf meðferðis vottorð því til staðfestingar ef flytja á veiðibúnað til Íslands. Ef veiðistöngin er augljóslega ný, ónotuð og í upphaflegum pakkningum er óþarfi að sótthreinsa hana. Ef ekki er hægt að nálgast vottorð um sótthreinsun, verður að færa veiðibúnaðinn í hendur tollvarða við komuna til landsins, þar sem búnaðurinn verður sótthreinsaður á kostnað eiganda. Keflavíkurflugvöllur sér um sótthreinsunina þegar komið er til Íslands. Farþeginn þarf að tilkynna tollvörðum um veiðibúnaðinn við rauða hliðið, þegar hann er kominn framhjá farangurssvæðinu.

Hljóðfæri

Það fer eftir stærð og þyngd hljóðfærisins hvort má taka það með í handfarangri eða hvort þarf að innrita það.

Lítil hljóðfæri má taka með um borð sem handfarangur, svo lengi sem umfang þeirra er ekki meira en leyfileg hámarksstærð á handfarangri segir til um (55 x 40 x 20 cm). Lítil hljóðfæri eru talin sem hluti af innifalinni farangursheimild, ef þau eru tekin með um borð.
Farþegar geta tekið stærri hljóðfæri með sér í farþegarými ef þeir kaupa sæti fyrir hljóðfærið. Áhöfnin hjálpar við að festa hljóðfærið í sætið í fluginu. Hljóðfærið má ekki vera stærra en 150 x 35 x 50 cm að umfangi. Vinsamlegast hafið samband við þjónustuverið til að fá aðstoð við bókun.

Greitt er fyrir flutning á hljóðfæri í innrituðum farangri sama gjald og greitt er fyrir lítinn íþróttabúnað. Hljóðfærið má ekki vera þyngra en 23 kg og ekki meira en 158 cm að heildarumfangi. Hljóðfæri má telja sem hluta af innifalinni farangursheimild.
Fyrir hljóðfæri sem flutt eru í innrituðum farangri og eru stærri en 158 cm að heildarumfangi, er greitt sama gjald og fyrir stóran íþróttabúnað.
Hljóðfæri sem þarf að geyma í farangursrými vélarinnar eru sett í hita- og loftþrýstingsstýrt rými.
Hljóðfærum skal ávallt pakka í harðar töskur.
Hægt er að panta flutning á hljóðfærum við innritun í flugið (sjá verð). Það er ekki nauðsynlegt að bóka fyrirfram, en við mælum með því að haft sé samband fyrir brottför til að tryggja pláss fyrir stór hljóðfæri.
Hægt er að bóka flutning á hljóðfæri fyrir brottför, með því að hafa samband við þjónustuverið. Ef bókað er fyrirfram er veittur 20% afsláttur miðað við verðið sem greitt er á flugvellinum.

Annað

Sérreglur gilda um suman farangur.

Dróna má taka með um borð í handfarangri ef rafhlöðurnar eru af leyfilegri gerð (sjá að neðan). Dróninn má ekki vera stærri en almennar reglur um handfarangur gera ráð fyrir (hámarksstærð: 55 x 40 x 20 cm). Drónar sem teknir eru með um borð teljast hluti af innifalinni farangursheimild.
Dróna er líka hægt að setja í innritaðan farangur, að því gefnu að honum sé vandlega pakkað niður, að heildarumfang hans sé ekki meira en 158 cm og að hann sé ekki þyngri en 23 kg. Rafhlöðurnar verða að vera af leyfilegri gerð (sjá að neðan) og þær verður að fjarlægja úr drónanum og pakka niður sérstaklega. Um dróna gilda venjulegar reglur og gjöld fyrir yfirþyngd ef þeir eru innritaðir sem aukafarangur. Dróna má telja sem hluta af innifalinni farangursheimild.
Allar vararafhlöður þarf að geyma í sérumbúðum (rafhlöðurnar þurfa að vera einangraðar hver frá annarri) til að koma í veg fyrir mögulegt skammhlaup. Við mælum með því að geyma rafhlöðurnar í þeim umbúðum sem þær voru keyptar í. Einnig er hægt að einangra rafskautin með því að setja teip yfir rafskaut á báðum endum rafhlöðunnar eða með því að pakka hverri rafhlöðu í sér plastpoka.
Litíum-rafhlöður sem nota milli 100 og 160 vattstundir (e. Wh, watt-hour rating) má taka með sem vararafhlöður í handfarangri. Hver farþegi má að hámarki taka með sér tvær rafhlöður af þessari gerð.

Longboard-bretti þarf að innrita. Litið er á þau sem innritaðan farangur og um þau gilda venjuleg aukafarangursgjöld.
Longboard-bretti má ekki telja sem hluta af innifalinni farangursheimild.
Hægt er að panta flutning á longboard-bretti fyrir brottför með því hafa samband við þjónustuverið. Ef bókað er fyrirfram er veittur 20% afsláttur miðað við verðið sem greitt er á flugvellinum.

Ekki er heimilt að hafa um borð hluti sem eru oddhvassir eða með hvössum brúnum og geta því valdið alvarlegum meiðslum. Í sumum tilfellum eiga þessar takmarkanir við um hluti sem eru notaðir til að prjóna, sauma eða hekla.
Hafið í huga að starfsmönnum flugvallarins er heimilt að gera bandprjóna og aðra hluti sem notaðir eru til handavinnu upptæka, ef þeir telja að þessir hlutir flokkist undir áðurgreindar takmarkanir.

Vara litíum-rafhlöður undir 100 vattstundum (Wh) má aðeins hafa með í handfarangri. Raftæki með rafhlöðum sem nota minna en 100 vattstundir má hafa í innrituðum farangri, svo lengi sem slökkt er á tækjunum og þeim er pakkað vandlega til að koma í veg fyrir skemmdir.
Litíum-rafhlöður sem nota milli 100 og 160 vattstundir (Wh) má taka með sem vararafhlöður í handfarangri. Hver farþegi má að hámarki taka með sér tvær rafhlöður af þessari gerð. Nauðsynlegt er að fá samþykki Icelandair til að geta ferðast með rafhlöður sem nota milli 100 og 160 vattstundir. Vinsamlegast hafið samband við Icelandair fyrir brottför.
Litíum-rafhlöður sem nota meira en 160 vattstundir (Wh) verður að flytja sem fragt. Vinsamlegast hafið samband við Icelandair Cargo til að fá frekari aðstoð.
Vara litíum-rafhlöður fyrir fartölvur og/eða hvers konar vararafhlöður sem eru notaðar til að knýja raftæki á borð við myndavélar, farsíma, fartölvur eða upptökuvélar, má aðeins hafa með í handfarangri. Ef handfarangurinn þinn er tekinn úr farþegarými og færður í farangursrými, verðurðu að láta vita af þeim rafhlöðum sem þar er að finna áður en farangurinn er færður.
Ekki er leyfilegt að innrita rafhlöðu fyrir rafmagnshjól sem farangur. Vinsamlegast hafið samband við Icelandair Cargo til að flytja rafhlöðu úr hjóli.
Frekari upplýsingar varðandi rafhlöður um borð má nálgast í yfirliti Icelandair um hættulegan farangur.

Farþegar mega hafa með sér snjóflóðabakpoka í handfarangri eða setja hann í innritaðan farangur að fengnu leyfi frá Icelandair. Til þess að geta veitt leyfi fyrir flutningi á snjóflóðabakpoka þurfum við bókunarnúmerið þitt og upplýsingar um gerð og tegund snjóflóðabakpokans. Snjóflóðabakpokum verður alltaf að pakka niður þannig að komið sé í veg fyrir að þeir geti óvart farið í gang, í samræmi við leiðbeiningar framleiðandans. Aðeins einn snjóflóðabakpoki er leyfður á hvern farþega.

Athugið að strangari reglur gilda varðandi flutning á bakpokum af þessu tagi til Bandaríkjanna. Það má aðeins flytja snjóflóðabakpoka til Bandaríkjanna ef búið er að fjarlægja kveikibúnað og/eða sprengiefni og tæma gashylki. Þú getur haft samband við birgja á áfangastað til að bæta við nýjum kveikibúnaði.

Aðstoð\\Farangur\\Aukafarangur

Farangur

Aukafarangur

Íþróttabúnaður

Brimbretti

Hjól

Hjólabretti

Golfbúnaður

Íshokkíbúnaður

Kajakar

Keilubúnaður

Köfunarbúnaður

Seglbretti

Skíði/Snjóbretti

Skotveiðivörur

Svifdrekar

Stangarstökksstöng

Veiðibúnaður

Hljóðfæri

Hljóðfæri í farangursrými

Hljóðfæri í innrituðum farangri

Annað

Göngustafir

Drónar

Longboard-bretti

Prjónar

Rafhlöður

Snjóflóðabakpokar